आज १६ औँ गणतन्त्र दिवसको अवसरमा खाँदबारी नगरपालिकाको आयोजनमा नगर प्रमुख श्री महेश थपलियाज्यू, प्रमुख प्रशासकीय अधिकृत युवराज आचार्यज्यू लगायत अन्य कर्मचारीहरुद्वारा जिल्ला अस्पतालमा रहेका बिरामीहरूलाई फलफुल बितरणको साथै जिल्ला कारागारमा रहेका कैदिहरूको अनुगमन र खेलकूद सामाग्री बितरण गर्नु भएको छ ।

खानेपानी समस्या समाधानका लागि सर्वदलीय छलफल खाँदबारी नगरपालिकाका नगर प्रमुख महेश थपलियाज्युले खाँदबारी नगर बासीहरुले भोग्दै आउनुभएको खानेपानीको समस्यालाई मुख्य एजेन्डा बनाई आज मिति २०८० जेष्ठ १४ गते जिल्ला स्थित प्रमुख राजनीतिक दलका प्रमुखहरु सङ्ग सर्वदलीय छलफल गर्नुभएको छ । माङसिमा खानेपानी आयोजनाको उपभोक्ता समितीको परिमार्जन सहित खानेपानी समस्याको दिगो समाधान कसरी गर्न सकिन्छ भन्ने विषयमा छलफल गर्नुहुँदै ।

ट्राफिक ब्यवस्थापनको बिषयमा खाँदबारी नगरपालिकाका नगर प्रमुख महेश थपलियाज्यु साथै संखुवासभा ट्राफिक कार्यलय, उद्योग बाणिज्य संघ, चेम्बर अफ कमर्स र खाँदबारीमा संचालनमा रहेका बिभिन्न यातायात ब्यवसायिक संघका जिम्मेवार ब्यक्तिहरु सङ्ग सान्दर्भिक छलफल सम्पन्न भएको छ ।

खाँदवारी नगरपालिका ११ नं. वडा कार्यालयकाे नवनिर्मित वडा भवन खाँदबारी नगरपालिकाका नगर प्रमुख श्री महेश थपलियाज्युको बाहुलीबाट समुद्घाटन सु-सम्पन्न भएको छ र वडा नं. ११ का कृषकहरुलाई नगर प्रमुखज्यूले हाते ट्याक्टर पनि वितरण गर्नु भएको छ ।

मितिः २०८० बैशाख ११ गते